صاحبتي فيها ييجي 100 بلية خرطوش
وفي خضم الأحداث الواقعة في المدينة ، القط بتاع أمي يقرر انه يجيله احتباس ف البول واضطر آخده لدكتور عشان يعمل له قسطرة
ويقعد يومين مش قادر يتحرك
أطبخ النهار وأروح اودي أكل لصاحبتي اللي مليانة بلي، وبعدين اروح اجيب م المطار أصدقاء من سورية جم ناس "زاروهم" بأسلحة وذخيرة ورفضوا يقولولهم ليه هما بيفتشوا البيت
وفي خضم الأحداث الواقعة في المدينة، ضهري مش بيبطل يوجعني. باصحى على ركبتي بتشوكني من جواها وبكره الشكوى
باعمل تمارين مش جايبة فايدة
صاحبتي بتقول انها مش قلقانة، كل الجروح بتخف في النهاية، وبتهزر بتقول أنا زعلانة اني مش هاعرف أخش الماراثون السنة دي
والقطة بتاعتي كانت محبوسة النهاردة في البلكونة من غير ماخد بالي
وفي خضم الأحداث
حاجات مالهاش معنى عاملة زي الخزوق اللي ف وسط خوازيق تانية كتير مش مخلياني أركز
No comments:
Post a Comment